കേരള ഹോംഗാർഡ് അസോസിയേഷൻ കാസർഗോഡ് ജില്ലാ കമ്മറ്റി യാത്രയയപ്പും അനുമോദന ചടങ്ങും നടത്തി

കേരള ഹോംഗാർഡ് അസോസിയേഷൻ കാസർഗോഡ് ജില്ലാ കമ്മറ്റി യാത്രയയപ്പും അനുമോദന ചടങ്ങും നടത്തി സ്തുത്യയർഹ സേവനം ചെയ്ത് ഹോംഗാർഡ് സേനയിൽ നിന്ന് വിരമിക്കുന്ന പി വി നാരായണന് യാത്രയയപ്പും കേരള ഫയർ & റെസ്ക്യൂ സർവ്വീസ്, ഹോംഗാർഡ്, സിവിൽ ഡിഫൻസ് സംസ്ഥാന സ്പോട്സ് മീറ്റ് 2024 . വടംവലി മത്സരത്തിൽ രണ്ടാം സ്ഥാനം നേടിയ കാസർഗോഡ് ജില്ലാ ഹോം ഗാർഡ് ടീം അംഗങ്ങളെ അനുമോദിക്കുന്ന ചടങ്ങും നടന്നു.യാത്രയയപ്പ് ചടങ്ങ് കാഞ്ഞങ്ങാട് മുൻസിപ്പൽ ചെയർപേഴ്സൺ സുജാത ടീച്ചർ ഉദ്ഘാടനം ചെയ്തു.കേരള ഹോംഗാർഡ് അസോസിയേഷൻ ജില്ല പ്രസിഡൻ്റ് ഏ വിബിജു അദ്ധ്യക്ഷത വഹിച്ചു. സർവ്വീസിൽ നിന്ന് വിരമിക്കുന്ന പി.വി നാരായണനെ കാഞ്ഞങ്ങാട് ഡിവൈഎസ്പി ബാബു പെരിങ്ങത്ത് ആദരിച്ചു. സംസ്ഥാന വടംവലി മത്സരത്തിലെ രണ്ടാം സ്ഥാനം നേടിയ വിജയികളെ ഹോസ്ദുർഗ് ഐപിഎസ് എച്ച് ഒ അജിത്ത് കുമാറും , കാസർഗോഡ് എസ് ടി ഒ ഹർഷയും , ഹോംഗാർഡ് ജില്ലാ രക്ഷാധികാരി വി വി രമേശനും കൂടി ഉപഹാരം നൽകി ആദരിച്ചു.

കാഞ്ഞങ്ങാട് ട്രാഫിക് സബ് ഇൻസ്പെക്ടർ മധുസൂദനൻ, സംസ്ഥാന എക്സിക്യൂട്ടീവ് അംഗം ബാബു കീത്തോൽ, ജില്ല വൈ: പ്രസിഡൻ്റ് മണി കെ, ജില്ലാ ജോ:സെക്രട്ടറിമാരായ സന്തോഷ് കുമാർ , ഗോപാലകൃഷ്ണൻ കെ, ജയൻ പി കെ എന്നിവർ സംസാരിച്ചു. ജില്ല ട്രഷറർ മനൂപ് എ നന്ദിയും ജില്ലാ സെക്രട്ടറി ദാമോദരൻ കെ സ്വാഗതവും പറഞ്ഞു.