നീലേശ്വരം ക്യാമ്പസിൽ നിന്ന് മലയാള വിഭാഗം മാറ്റാനുള്ള നീക്കം; ക്യാംപസിൽ കെ എസ് യുവിന്റെ ഉപരോധ സമരം

നീലേശ്വരം പാലാത്തടത്തെ കണ്ണൂർ സർവകലാശാല ഡോ.പി.കെ.രാജൻ സ്മാരക ക്യാമ്പസിൽ നിന്ന് മലയാള വിഭാഗം എടുത്തുമാറ്റാനുള്ള നീക്കത്തിൽ പ്രതിഷേധിച്ച് കെഎസ് യു തൃക്കരിപ്പൂർ നിയോജകമണ്ഡലം കമ്മിറ്റിയുടെ നേതൃത്വത്തിൽ ക്യാമ്പസിൽ ഉപരോധസമരം നടത്തി.

കെ എസ് യു സംസ്ഥാന ജനറൽ സെക്രട്ടറി പ്രവാസി ഉണ്ണിയാടൻ ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് വരുൺ രാജ് അധ്യക്ഷത വഹിച്ചു. ജില്ലാ വൈസ് പ്രസിഡന്റ് വരുൺ കാട്ടുമാടം, ജില്ലാ ജനറൽ സെക്രട്ടറി ആശിഷ് അടുക്കം, ടി എൻ അൻസാജ്, ഗോകുൽ നമ്പ്യാർ, മുഹമ്മദ് ഷാമിൽ എന്നിവർ നേതൃത്വം നൽകി.