തൈക്കടപ്പുറം മേഖലയിലെ വൈദ്യുതി മുടക്കം; എസ്ഡിപിഐ ജനകീയ ഒപ്പ് ശേഖരണം സംഘടിപ്പിച്ചു

നീലേശ്വരം നഗരസഭയിലെ തീരദേശ മേഖലയായ തൈക്കടപ്പുറം പ്രദേശങ്ങളിൽ സ്ഥിരമായി വൈദ്യുതി മുടങ്ങുന്നതിൽ അധികൃതരുടെ അടിയന്തിര ഇടപെടൽ വേണമെന്നും, തൈക്കടപ്പുറത്ത് സബ്സ്റ്റേഷൻ സ്ഥാപിക്കണമെന്നും ആവശ്യപ്പെട്ട് എസ്ഡിപിഐ തൈക്കടപ്പുറം മേഖലയിൽ ജനകീയ ഒപ്പ് ശേഖരണം സംഘടിപ്പിച്ചു.  

നീലേശ്വരം നഗരസഭ 26ആം വാർഡ് കൗൺസിലർ വി അബൂബക്കർ ഒപ്പ് ശേഖരണം ഉദ്ഘാടനം ചെയ്തു. എസ്ഡിപിഐ മുനിസിപ്പൽ പ്രസിഡണ്ട് എംവി ഷൗക്കത്തലി, ഇകെ അബ്ദുൽ റഹ്മാൻ, ഷംസീർ തുടങ്ങിയവരുടെ നേതൃത്വത്തിൽ വീടുകളും കടകളും കയറിയിറങ്ങി ഒപ്പുകൾ ശേഖരിച്ച് വൈദ്യുതി വകുപ്പിന് നിവേദനമായി സമർപ്പിക്കുമെന്ന് നേതാക്കൾ അറിയിച്ചു.