നീലേശ്വരം ജിഎൽപി സ്കൂളിലെ വർണ ക്കൂടാരം ഉദ്ഘാടനം ചെയ്തു

നീലേശ്വരം ജി.എൽ.പി. സ്കൂളിൽ സംസ്ഥാന സർക്കാർ പൊതുവിദ്യാഭ്യസ വകുപ്പ് സമഗ്രശിക്ഷാ കേരളം ബി.ആർ.സി ഹോസ്ദുർഗ്ഗ് എസ്.എസ്.കെ. സ്റ്റാർസ് പദ്ധതിയിൽ ഉൾപ്പെടുത്തി സജ്ജമാക്കിയ പതിമൂന്ന് പ്രവർത്തന ഇടങ്ങളോട് കൂടിയ പ്രീ സ്കൂൾ "വർണ്ണക്കൂടാരം " നീലേശ്വരം നഗരസഭ ചെയർപേഴ്സൺ ടി.വി. ശാന്ത ഉദ്ഘാടനം ചെയ്തു. നഗരസഭ വൈസ് ചെയർമാൻ പി.പി. മുഹമ്മദ് റാഫി അദ്ധ്യക്ഷനായിരുന്നു.

എസ്.എസ് കെ യുടെ പത്ത് ലക്ഷം രൂപ ഉപയോഗിച്ചാണ് വർണ്ണക്കൂടാരം ഒരുക്കിയത്.

ഭാഷ,ഗണിതം , ശാസ്ത്രം , കരകൗശലം, സംഗീതം,നിർമ്മാണം, അകം വാതിൽ പുറം വാതിൽ , കളി ഇടം , കുഞ്ഞരങ്, ശലഭ ഉദ്യാനം തുടങ്ങിയ പതിമൂന്ന് ഇടങ്ങൾ കുട്ടികൾക്ക് കണ്ട് 'അറഞ്ഞ് പഠിക്കുന്നതിന് സഹായകരമാകുന്ന രീതിയിലാണ് സ്റ്റാർസ് വർണ്ണകൂടാരം ഒരുക്കിയിരിക്കുന്നത്.

ഹോസ്ദുർഗ് ബി.പി.സി ഡോ: കെ.വി. രാജേഷ് പദ്ധതിവിശദീകരണം നടത്തി ഹോസ്ദുർഗ് എ. ഇ. ഒ മിനിജോസഫ് ഒന്നാം ക്ലാസിലേക്കുള്ള പ്രവേശന ഫോറം ഏറ്റ് വാങ്ങി. നഗരസഭ വികസന സമിതി അധ്യക്ഷൻമാരായ വി.ഗൗരി, ഷംസുദീൻ അരിഞ്ചിറ, ടി.പി. ലത, വാർഡ് കൗൺസിലർ പി. ബിന്ദു , ഡി.പി.ഒ രഞ്ജിത്ത് കെ.പി, നിഷ. കെ, എ.വി.ഗീത, എം.വി. ദീപു , എ.വി. സജീവൻ, ലേഖ ജയേഷ്, ബി. ഇന്ദിര, വി.സീമ, കെ. അനിത, സ്കൂൾ ലീഡർ ദേവതീർത്ഥ എന്നിവർ ആശംസകൾ അർപ്പിച്ച് സംസാരിച്ചു. പ്രധാന അധ്യാപിക പി.നളിനി സ്വാഗതവും പി.ടി.എ പ്രസിഡണ്ട് പി.കെ. രതീഷ് നന്ദിയും പറഞ്ഞു