ബങ്കളം സഹൃദയ വായനശാല അമ്പത്തിയഞ്ചാം വാർഷികം മെയ് 3, 4 തീയതികളിൽ

നീലേശ്വരം ബങ്കളം സഹൃദയ വായനശാല ആന്റ് ഗ്രന്ഥാലയത്തിൻ്റെ അമ്പത്തിയഞ്ചാം വാർഷികാഘോഷം മെയ് 3, 4 തീയതികളിൽ നടക്കും. പരിപാടിയുടെ വിജയത്തിനായി വിപുലമായ സംഘാടകസമിതി രൂപീകരിച്ചു.ബങ്കളം വായനശാലയിൽ നടന്ന ചടങ്ങിൽ ലൈബ്രറി കൗൺസിൽ ഹോസ്ദുർഗ് താലൂക്ക് പ്രസിഡൻ്റ് വേണുഗോപാലൻ ഉദ്ഘാടനം ചെയ്തു . പ്രസിഡൻ്റ് പി.വിതങ്കരാജിൻ്റെ അധ്യക്ഷത വഹിച്ചു. 

മടിക്കൈ ഗ്രാമപഞ്ചായത്ത് വൈസ് പ്രസിഡൻ്റ് വി പ്രകാശൻ , വാർഡ് മെമ്പർ പി രാധ , കെ.പ്രഭാകരൻ, പി നാരായണൻ, വി.കണ്ണൻ, ലൈബ്രറി കൗൺസിൽ അംഗങ്ങളായ മധു കെ.വി , മിനി പ്രസാദ്, വായനശാല സെക്രട്ടറി എ വിധുബാല, പ്രശാന്ത് എന്നിവർ സംസാരിച്ചു.