ചിറ്റാരിക്കാൽ ഉപജില്ല ശാസ്ത്രോത്സവത്തിൻ്റെ സംഘാടകസമിതി ഓഫീസ് ഉദ്ഘാടനം ഒക്ടോബർ 16 ന്

കുമ്പളപള്ളി കരിമ്പിൽ ഹൈസ്കൂൾ,എസ് കെ ജി എം എ യു പി സ്കൂൾ എന്നിവിടങ്ങളിൽ ഒക്ടോബർ 25 ,26 തിയ്യതികളിലായി നടക്കുന്ന ചിറ്റാരിക്കാൽ ഉപജില്ല ശാസ്ത്രോത്സവത്തിൻ്റെ സംഘാടകസമിതി ഓഫീസ് ഉദ്ഘാടനം ഒക്ടോബർ 16 ന് ഉച്ചയ്ക്കുശേഷം മൂന്നുമണിക്ക് എസ് കെ ജി എം എ യു പി സ്ക്കൂളിൽ വെച്ച് നടക്കും. പഞ്ചായത്ത് പ്രസിഡണ്ടും സംഘാടകസമിതി ചെയർമാനുമായ ടി കെ രവി ഉദ്ഘാടനം നിർവ്വഹിക്കും.രണ്ടു ദിവസങ്ങളിലായി നടക്കുന്ന ശാസ്ത്രോത്സവത്തിൽ ശാസ്ത്ര, ഗണിതശാസ്ത്ര, സാമൂഹ്യ ശാസ്ത്ര, പ്രവൃത്തിപരിചയ,ഐടി മേളകളിലായി ചിറ്റാരിക്കാൽ ഉപ ജില്ലയിലെ 48 സ്കൂളുകളിൽ നിന്നായി നാലായിരത്തോളം കുട്ടികൾ പങ്കെടുക്കും.