മുൻ എംഎൽഎയും മുതിർന്ന കോൺഗ്രസ് നേതാവുമായ കെ.പി.കുഞ്ഞിക്കണ്ണൻ (75) അന്തരിച്ചു.

മുൻ എംഎൽഎയും മുതിർന്ന കോൺഗ്രസ് നേതാവുമായ കെ.പി.കുഞ്ഞിക്കണ്ണൻ (75) അന്തരിച്ചു. കണ്ണൂരിലെ സ്വകാര്യാശുപത്രിയിൽ ഇന്ന് രാവിലെയായിരുന്നു അന്ത്യം. സെപ്റ്റംബർ 4 ന് നീലേശ്വരം ദേശീയപാതയിലെ കരുവാച്ചേരിയിലുണ്ടായ വാഹനാപകടത്തിൽ പരിക്കേറ്റാണ് ഇദ്ദേഹം ആശുപത്രിയിലായത്. കാർ ഡിവൈഡറിൽ ഇടിച്ചുണ്ടായ അപകടത്തിൽ ഇദ്ദേഹത്തിന്റെ വാരിയെല്ലിന് പരിക്കേറ്റിരുന്നു. മുൻ ഒ എംഎൽഎ ആയിരുന്ന ഇദ്ദേഹം ദീർഘകാലം കെപിസിസി ജനറൽ സെക്രട്ടറിയായിരുന്നു. നിലവിൽ കെപിസിസി അംഗമാണ്. കാസർകോട് ജില്ല രൂപീകരിച്ചപ്പോൾ ആദ്യ ഡിസിസി പ്രസിഡന്റായി. വടക്കൻ കേരളത്തിൽ കോൺഗ്രസിന്റെ ജനകീയ മുഖമായിരുന്നു. കേരഫെഡ് ചെയർമാൻ, കാൻഫെഡ് ജനറൽ സെക്രട്ടറി എന്നീ നിലകളിലും പ്രവർത്തിച്ചു.