ഒരു മാസത്തെ പെൻഷൻ തുകയായ 30, 479 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക്

ഒരു മാസത്തെ പെൻഷൻ തുകയായ 30, 479 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് വയനാട്ടിലെ ദുരിതബാധിതരെ ചേർത്തു പിടിച്ചിരിക്കുകയാണ് ഈ റിട്ട. ഹെഡ്മാസ്റ്റർ.

മെട്ടമ്മൽ ഗവ. വെൽഫെയർ യുപി സ്കൂൾ ഹെഡ്മാസ്റ്റർ ശശിധരൻ ആലപ്പടമ്പനാണ് തുക നൽകിയത്. തൃക്കരിപ്പൂർ കൊയോങ്കര സ്വദേശിയായ ശശിധരൻ ഇപ്പോൾ കരിവെള്ളൂർ പാലക്കുന്നിലാണ് താമസം. 

ശാസ്ത്ര സാഹിത്യ പരിഷത്തിൻ്റെയും പാലക്കുന്ന് പാഠശാല ഗ്രന്ഥാലയത്തിൻ്റെയും സജീവ പ്രവർത്തകനാണ്. പാടിക്കീൽ ഗവ. യുപി സ്കൂൾ അധ്യാപിക പി.ടി. ഷൈനിയാണ് ഭാര്യ. മക്കൾ: അനഘ (എം എസ് സി കെമിസ്ട്രി) അഭിജിത്ത് (ബിടെക്).