നീലേശ്വരം ചിറപ്പുറം ബിഎസിയുടെ നേതൃത്വത്തിൽ നടന്നു വരുന്ന അവധിക്കാല ബാസ്കറ്റ് ബോൾ പരിശീലന ക്യാമ്പ്

നീലേശ്വരം ചിറപ്പുറം ബിഎസിയുടെ നേതൃത്വത്തിൽ നടന്നു വരുന്ന അവധിക്കാല ബാസ്കറ്റ് ബോൾ പരിശീലന ക്യാമ്പ് കുട്ടികൾക്ക് നവ്യാനുഭവമാകുന്നു.

ഏപ്രിൽ 1 മുതൽ ചിറപ്പുറത്തെ നീലേശ്വരം ചിറപ്പുറം മിനി സ്‌റ്റേഡിയത്തിൽ രാവിലെ 6 മണി മുതൽ 8 മണി വരെയാണ് പരിശീലനം. 7 മുതൽ 12 വയസ് വരെയുള്ള 25 കുട്ടികളാന്ന് ക്യാമ്പിൽ പങ്കെടുക്കുന്നത്. കെഎസ്ഇബി മുൻ ബാസ്കറ്റ്ബോൾ താരം പി.ഗോപാലകൃഷ്ണനാന്ന് പരിശീലനത്തിന് നേതൃത്വം നൽകുന്നത്. മുൻ സംസ്ഥാന താരങ്ങളായ ടി.രാധാകൃഷ്ണൻ, എ ഉത്തര എന്നിവർ പരിശീലന സഹായികളാണ്. കുട്ടികൾക്കുള്ള ജഴ്സി വിതരണം കേണൽ ഇ.വി.നാരായണൻ ഉദ്ഘാടനം ചെയ്തു. ബിഎസി പ്രസിഡന്റ് കെ.രഘു അധ്യക്ഷത വഹിച്ചു. മുഖ്യ പരിശീലകൻ പി.ഗോപാലകൃഷ്ണൻ, എം.ഗോപിനാഥൻ, ഇ.ബൈജു, ടി.രാധാകൃഷ്ണൻ എന്നിവർ പ്രസംഗിച്ചു. ബിഎസി സെക്രട്ടറി ടി. രാജൻ സ്വാഗതം പറഞ്ഞു.