ലൈഫ് ഭവന പദ്ധതിയിൽ ഉൾപ്പെട്ട ഭൂരഹിതരുടെ പുനരധിവാസത്തിനായി കെ ചിറ്റിലപ്പിള്ളി ഫൗണ്ടേഷൻ ഭൂമി വാങ്ങുന്നതിന് 68 പേർക്ക് അനുവദിച്ച ധനസഹായംവിതരണം ചെയ്തു. ജില്ലാ ആസൂത്രണ സമിതി ഹാളിൽ നടന്ന ചടങ്ങിൽ രജിസ്ട്രേഷൻ, മ്യൂസിയം, പുരാവസ്‌തു- പുരാരേഖ വകുപ്പ് മന്ത്രി രാമചന്ദ്രൻ കടന്നപ്പള്ളി ഗുണഭോക്താക്കൾക്ക് ചെക്ക് കൈമാറി. എൻ.എ നെല്ലിക്കുന്ന് എം എൽ എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണൻ , ജില്ലാ കളക്ടർ കെ ഇമ്പശേഖർ എന്നിവർ വിശിഷ്ടാതിഥികളായി. നവകേരള മിഷൻ ജില്ലാ കോർഡിനേറ്റർ കെ.ബാലകൃഷ്ണൻ സ്വാഗതം പറഞ്ഞു. ലൈഫ് കോർഡി ,നേറ്റർ എം. വത്സൻ റിപ്പോർട്ട് അവതരിപ്പിച്ചു. ഗ്രാമപഞ്ചായത്ത് അസോസിയേഷൻ ജില്ലാ സെക്രട്ടറി ഇ.പി. ഉഷ, ഗ്രാമപഞ്ചായത്ത് പ്രസിഡണ്ടുമാർ പങ്കെടുത്തു.