സംസ്ഥാന ഇന്റർ ഐടിഐ യൂണിയൻ കലോത്സവത്തിന്റെ ഓഫ് സ്റ്റേജ് മത്സരങ്ങൾക്ക് മടിക്കൈ ബങ്കളത്ത് തുടക്കമായി. സ്റ്റേജ് രണ്ടിൽ പെൺകുട്ടികളുടെ മോണോആക്റ്റ്, സ്റ്റേജ് മൂന്നിൽ പെൺകുട്ടികളുടെ ലളിതഗാനത്തോടെയുമാണ് ഓഫ് സ്റ്റേജ് മത്സരങ്ങൾക്ക് തുടക്കമായത്. ഇന്നും , നാളെയും ദിവസങ്ങളിലാണ് കലോത്സവം. ഇന്ന് ഓഫ് സ്റ്റേജിനങ്ങളും നാളെ സ്റ്റേജ് ഇനങ്ങളുമാണ്. സംസ്ഥാനത്തെ 32 ഐടിഐകളിൽനിന്നും ആയിരത്തോളം പ്രതിഭകളാണ് രണ്ട് ദിവസത്തെ മത്സരത്തിൽ മാറ്റുരക്കുന്നത്. 41 ഇനങ്ങളിലായാണ് മത്സരം. തേജസ്വിനി, പയസ്വിനി, ഷിറിയ, ഉപ്പള എന്നീ പേരിലാണ് വേദികൾ. 25ന് വൈകിട്ട് 5 ന് രാജ്മോഹൻ ഉണ്ണിത്താൻ എംപി ഉദ്ഘാടനംചെയ്യും. സ്കോർ അടിസ്ഥാനമാക്കി ഓവറോൾ ചാമ്പ്യൻ, റണ്ണേഴ്സ് അപ്, കലാപ്രതിഭ, കലാതിലകം എന്നിവരെ തെരഞ്ഞെടുക്കും. കലോത്സവം നാടിൻ്റെ ഉത്സവമാക്കാനുള്ള പരിശ്രമത്തിലാണ് വി പ്രകാശൻ വർകിംങ് ചെയർമാനും അഭിചന്ദ് കൺവീനറുമായ സംഘാടക സമിതിയും നാട്ടുകാരും.
No comments