അമ്മഹാദാബാദ് വിമാനാപകടത്തിൽ മരിച്ച രഞ്ജിത.ആർ. നായരെയും നായർ സ്ത്രീകളെയും കുറിച്ച് അശ്ലീല പരാമർശം: ഡെപ്യൂട്ടി തഹസിൽദാരെ പിരിച്ചു വിടണമെന്ന് നീലേശ്വരം കിഴക്കൻകൊഴുവൽ എൻ എസ് എസ് കരയോഗം

അഹമദാബാദ് വിമാനാപകടത്തിൽ മരിച്ച രഞ്ജിത.ആർ. നായരെയും നായർ സ്ത്രീകളെയും കുറിച്ച് ഫെയ്‌സ്ബുക്കിൽ അശ്ലീല പരാമർശം നടത്തിയ ഡെപ്യൂട്ടി തഹസിൽദാർ പവിത്രൻ ആനന്ദാശ്രമത്തെ സർവീസിൽ നിന്ന് പിരിച്ചു വിടണമെന്ന് നീലേശ്വരം കിഴക്കൻകൊഴുവൽ എൻ എസ് എസ് കരയോഗം ആവശ്യപ്പെട്ടു.

വിവാദ പരാമർശങ്ങൾക്കെതിരെ യോഗം ശക്തമായ പ്രതിഷേധവുമുയർത്തി. ഉയർന്ന ഔദ്യോഗിക പദവികളിലിരിക്കുന്നവർ സമുദായ സ്പർദ്ധ വളർത്തുന്ന രീതിയിൽ പരാമർശങ്ങൾ നടത്തുന്നത് നിസ്സാരമായി തള്ളരുതെന്നും യോഗം വിലയിരുത്തി.