നീലേശ്വരം യുവശക്തി വായനശാല ആൻഡ് ഗ്രന്ഥാലയം വീട്ടുമുറ്റ പുസ്തക ചർച്ച സംഘടിപ്പിച്ചു.

നീലേശ്വരം യുവശക്തി വായനശാല ആൻഡ് ഗ്രന്ഥാലയം വീട്ടുമുറ്റ പുസ്തക ചർച്ച സംഘടിപ്പിച്ചു. കിഴക്കൻ കൊഴുവലിലെ തങ്കമണി ടീച്ചറുടെ വീട്ടിലാണ് പുസ്തക ചർച്ച സംഘടിപ്പിച്ചത്. ബെഫീ ജില്ലാ കോഡിനേറ്റർ ഇ പി സുരേഷ് കുമാർ ഉദ്ഘാടനം ചെയ്തു. പി ഭാർഗവൻ അധ്യക്ഷതവഹിച്ചു. 

വൈക്കം മുഹമ്മദ് ബഷീറിൻറെ വിശ്വവിഖ്യാതമായ മൂക്ക് എന്ന പുസ്തകം പി വി ഭാർഗവി അവതരിപ്പിച്ചു. കെ കെ ധന്യ, കെ ദിനേശ് കുമാർ, എം ബാലകൃഷ്ണൻ , എൻ പി വിജയൻ , കെ നന്ദകുമാർ , കെ സതീശൻ, കെ രാധാദേവി എന്നിവർ ചർച്ചയിൽ പങ്കെടുത്തു. കെ തങ്കമണി സ്വാഗതവും എ സോമരാജൻ നന്ദിയും രേഖപ്പെടുത്തി