അംബേദ്കർ അവഹേളനം: കേരള മഹിളാ സംഘം തൃക്കരിപ്പൂർ മണ്ഡലം കമ്മിറ്റി പ്രതിഷേധ പ്രകടനം നടത്തി

ഭരണഘടനാ ശിൽപി ഡോ.ബി.ആർ. അംബേദ്കറെ അവഹേളിച്ച കേന്ദ്ര ആഭ്യന്തര മന്ത്രി അമിത് ഷാ രാജിവെക്കണമെന്നാവശ്യപ്പെട്ട് കേരള മഹിളാസംഘം തൃക്കരിപ്പൂർ മണ്ഡലം കമ്മിറ്റി പ്രതിഷേധ പ്രകടനം നടത്തി.

ചെറുവത്തൂർ പഞ്ചായത്ത് ഓഫീസിന് മുന്നിൽ തുടങ്ങി ബസ് സ്റ്റാന്റിൽ സമാപിച്ചു. മഹിളാസംഘം ജില്ലാ സെക്രട്ടറി പി. ഭാർഗവി പ്രതിഷേധ യോഗം ഉദ്ഘാടനം ചെയ്തു. മണ്ഡലം പ്രസിഡന്റ് വി.വി. സുനിത അധ്യക്ഷത വഹിച്ചു. എ.വി. രമണി അഭിവാദ്യമർപ്പിച്ചു. സെക്രട്ടറി രജിത വിജയരാജ് സ്വാഗതം പറഞ്ഞു.