വൈവിധ്യമാർന്ന പരിപാടികളുമായി നീലേശ്വരം പേരോലിലെ ഓട്ടിസം സെന്റർ.

കുട്ടികൾക്ക് ശാരീരിക, മാനസിക ഉല്ലാസം പകരാൻ വൈവിധ്യമാർന്ന പരിപാടികളുമായി നീലേശ്വരം പേരോലിലെ ഓട്ടിസം സെന്റർ.

ഇന്നു രാവിലെ മുതൽ സ്പീച്ച് - ബിഹേവിയർ തെറാപ്പി, യോഗ എന്നിവയും ഉച്ചയ്ക്ക് കുട്ടികൾക്ക് ആവേശം പകരുന്ന കഥ പറയലും നടത്തി. പടന്നക്കാട് ഹൊസ്ദുർഗ് ബിആർസി യിലെ സ്പെഷ്യലിസ്റ്റ് അധ്യാപകരായ പി.രേഷ്മ, പി. അനിത എന്നിവർ യോഗ തെറാപ്പി നൽകി. സ്പെഷ്യൽ എജ്യുക്കേറ്ററും സൈക്കോളജിസ്റ്റുമായ എം.സുമ പെരുമാറ പ്രശ്നങ്ങൾ അനുഭവിക്കുന്ന കുട്ടികൾക്ക് വ്യക്തിഗത കൗൺസിലിങ്ങും വീട്ടിലെ ബിഹേവിയർ പ്രശ്നങ്ങൾ ലഘൂകരിക്കാനായി അധ്യാപകർക്ക് മാർഗ നിർദേശങ്ങളും നൽകി. ഇതിനൊപ്പം സ്പെഷ്യൽ എജ്യുക്കേഷൻ ക്ലാസും നടന്നു.

സിആർസിസി, യു.വി. സജീഷ് വിവിധ മൃഗങ്ങളുടെ മാതൃകകൾ ഉപയോഗിച്ച് കുട്ടികൾക്ക് കഥ പറഞ്ഞു കൊടുത്തു. സ്വന്തം കഴിവുകൾ ഉപയോഗിച്ച് കുട്ടികളും കഥകൾ പറഞ്ഞു.

15 കുട്ടികൾ പരിപാടിയിൽ പങ്കെടുത്തു. മെയ് മാസക്കിൽ പ്ലേ തെറാപ്പി, മ്യൂസിക് തെറാപ്പി, എയറോബിക്സ്, ക്രാഫ്റ്റ്, ഡാൻസ് തെറാപ്പി, യോഗ, ബിഹേവിയർ തെറാപ്പി, കഥ പറയൽ, കളറിങ്, മോട്ടിവേഷൻ ക്ലാസ്, ഗ്രൂപ്പ് തെറാപ്പി, ഇന്റർ ആക്ഷൻ വിത്ത് പാരന്റ്സ് എന്നീ പരിപാടികൾ ബിആർസി നീലേശ്വരം ഓട്ടിസം സെന്ററിൽ നടക്കും.