ജനാധിപത്യ സംരക്ഷണ സദസൊരുക്കി

കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ പരപ്പ നിയോജക മണ്ഡലം കമ്മിറ്റി വെള്ളരിക്കുണ്ട് ടൗണിൽ ജനാധിപത്യ സംരക്ഷണ സദസൊരുക്കി.

അസോസിയേഷൻ ജില്ലാ പ്രസിഡൻ്റ് പി.സി.സുരേന്ദ്രൻ നായർ ഉദ്ഘാടനം ചെയ്തു. നാട്ടിലുടനീളം ശക്തമായി അലയടിക്കുന്ന കേന്ദ്ര - സംസ്ഥാന സർക്കാർ വിരുദ്ധ വികാരം വൻ മുന്നേറ്റമാക്കി കാസറഗോഡ് മണ്ഡലത്തിലെ യുഡിഎഫ് സ്ഥാനാർത്ഥി രാജ്‌മോഹൻ ഉണ്ണിത്താൻ്റെ വിജയം ഉറപ്പിക്കാൻ എല്ലാ ജനാധിപത്യ വിശ്വാസികളും മുന്നോട്ട് വരണമെന്ന് ഉദ്ഘാടന പ്രസംഗത്തിൽ അദ്ദേഹം പറഞ്ഞു. 

നിയോജക മണ്ഡലം പ്രസിഡൻ്റ് മാത്യു സേവ്യർ അധ്യക്ഷത വഹിച്ചു. ടി.കെ.എവുജിൻ മുഖ്യ പ്രഭാഷണം നടത്തി. യുഡിഎഫ് - കെഎസ്എസ്പിഎ നേതാക്കളായ ഷോബി ജോസഫ്, എം.കെ. ദിവാകരൻ, എം.യു. തോമസ്, ബി. റഷീദ എന്നിവർ പ്രസംഗിച്ചു. ജോസുകുട്ടി അറയ്ക്കൽ സ്വാഗതവും ടി.പി. പ്രസന്നൻ നന്ദിയും പറഞ്ഞു.