ഫുട്ബോൾ പരിശീലന ക്യാമ്പ് നാളെ മുതൽ

ജില്ലയിലെ പ്രമുഖ ഫുട്ബാൾ അക്കാദമിയായ സ്പോർട്സ് അക്കാദമി കാസറഗോഡ് (സാക്ക്) കാലിക്കടവ് പഞ്ചായത്ത് മിനി സ്റ്റേഡിയത്തിൽ മാർച്ച് 31 മുതൽ മെയ് 31 വരെ സ്കൂൾ കുട്ടികൾക്കായി പ്രത്യേക ഫുട്ബാൾ പരിശീലന ക്യാമ്പ് സംഘടിപ്പിക്കുന്നു. എല്ലാ ദിവസവും രാവിലെ 6.30 മുതൽ 8.30 വരെയാണ് പരിശീലന സമയം. 

പരിശീലന കാലയളവിൽ മികച്ച പ്രകടനം കാഴ്ചവെക്കുന്ന കുട്ടികൾക്ക് സാക്കിൻ്റെ നിലവിലുള്ള വിവിധ വിഭാഗം ടീമുകളിലേക്ക് നേരിട്ട് പ്രവേശനത്തിന് അവസരം ലഭിക്കുന്നതാണ്. 

ക്യാമ്പിന് ശേഷം സാക്കിൻ്റെ ടീമിലേക്ക് പ്രവേശനം ലഭിക്കുന്ന കുട്ടികൾക്ക് പിന്നീടുള്ള പരിശീലനം  സൗജന്യമാണ്.നിലവിൽ 70 കുട്ടികൾ അക്കാദമിയിൽ ഫുട്ബാൾ പരിശീലനം നടത്തുന്നുണ്ട്. ഈ വർഷം നിലവിൽ സംസ്ഥാനത്തിനകത്തും പുറത്തുമായി 5 ടൂർണമെൻറുകളിൽ ജേതാക്കളാണ് സാക്ക് അക്കാദമി രണ്ട് റണ്ണേഴ്സ് ട്രോഫിയും നേടിയിട്ടുണ്ട്.