പടന്നക്കാട് സി.കെ.നായർ ആർട്സ് ആന്റ് മാനേജ്മെന്റ് കോളേജിന് മുന്നിൽ ധ്യാനബുദ്ധ ശിൽപം ഒരുങ്ങി.

പടന്നക്കാട് സി.കെ.നായർ ആർട്സ് ആന്റ് മാനേജ്മെന്റ് കോളേജിന് മുന്നിൽ ധ്യാനബുദ്ധ ശിൽപം ഒരുങ്ങി. ശിൽപി ചിത്രൻ കുഞ്ഞിമംഗലമാണ്

4 അടി ഉയരത്തിൽ വെങ്കല നിറത്തിൽ ഫൈബർ ശിൽപം ഒരുക്കിയത്. കോളേജ് അങ്കണത്തിൽ, ഉദ്യാനത്തിന് നടുവിലായി മൂന്നടി ഉയരത്തിൽ തീർത്ത ചെങ്കൽ പീഠത്തിന് മുകളിലാണ് ശിൽപം സ്ഥാപിക്കുക. വിദേശ രാജ്യങ്ങളിലടക്കം നിരവധി ശില്പങ്ങൾ ചെയ്ത് ശ്രദ്ധേയനായ യുവശില്പിയാണ് ചിത്രൻ കുഞ്ഞിമംഗലം. ശില്പ - ചിത്രകലാരംഗത്ത് നിരവധി പുരസ്കാരങ്ങൾ കരസ്ഥമാക്കിയ ചിത്രൻ, കാഞ്ഞങ്ങാട് ദുർഗ ഹയർ സെക്കന്ററി സ്ക്കൂളിൽ ചിത്രകലാ അദ്ധ്യാപകനാണ്. കിഷോർ കെ.വി., സുദർശൻ, ചിത്ര.കെ എന്നിവർ ശില്പനിർമ്മാണത്തിൽ സഹായികളായി. 

സി.കെ.നായർ കോളേജ് പ്രിൻസിപ്പൽ പ്രൊഫ. വി.വി. പുരുഷോത്തമനും കോളേജ് അദ്ധ്യാപകരായ ധനീഷ് ബിരിക്കുളം, പ്രഫുൽ പ്രഭാകർ എന്നിവരും ചിത്രന്റെ പണിപ്പുരയിൽ എത്തി ശിൽപ നിർമ്മാണ പുരോഗതി വിലയിരുത്തിയിരുന്നു. ബുദ്ധശില്പം ജൂൺ പകുതിയോടെ കോളേജിൽ സ്ഥാപിക്കും.