ഗ്രൂപ്പ് ബുക്കിങ് സംവിധാനം പ്രാബല്യത്തിൽ വന്നു.

നീലേശ്വരം റെയിൽവേ സ്റ്റേഷനിൽ അനുവദിച്ച ഗ്രൂപ്പ് ബുക്കിങ് സംവിധാനം പ്രാബല്യത്തിൽ വന്നു.

ഉദ്യോഗസ്ഥരുടെ ജോലി സമയം ക്രമീകരിക്കരിക്കുന്നതുൾപ്പെടെയുള്ള കാര്യങ്ങൾക്ക് നേരിട്ട കാലതാമസമാണ് മാർച്ച് 18 ന് തുടങ്ങാനിരുന്ന സൗകര്യം വൈകാൻ കാരണം. രാവിലെ 8 മുതൽ രാത്രി 8 മണി വരെയാണ് ഗ്രൂപ്പ് ബുക്കിങ് സൗകര്യം ലഭ്യമാവുക. വിദ്യാഭ്യാസ സ്ഥാപനങ്ങൾ, ക്ലബുകൾ, കൂട്ടായ്മകൾ എന്നിവർക്കും വിവാഹം, സമ്മേളനങ്ങൾ തുടങ്ങിയ ആവശ്യങ്ങൾക്ക് പോകുന്നവർക്കും ഈ സംവിധാനം ഗുണം ചെയ്യും. നീലേശ്വരം റെയിൽവേ സ്റ്റേഷൻ സന്ദർശിച്ച പാലക്കാട് റെയിൽവേ ഡിവിഷൻ മാനേജർ അരുൺ കുമാർ ചതുർവേദിയുടെ ശ്രദ്ധയിൽ നീലേശ്വരം റെയിൽവേ ഡവലപ്മെൻ്റ് കലക്ടീവ് - എൻആർഡിസി ഭാരവാഹികളാണ് ഇക്കാര്യം പെടുത്തിയത്. താമസിയാതെ ഗ്രൂപ്പ് ബുക്കിങ് സംവിധാനം നിലവിൽ വരുമെന്ന് ഇദ്ദേഹം ഉറപ്പും നൽകി.